सर्वोच्च अदालतको परिपत्र

श्री

सर्वोच्च अदालत

(आन्तरिक तथा जिल्ला प्रशासन शाखा)

रामशाहपथ, काठमाडौं

फोन: ४२००७२९, ४२००७२८, ४२००७५०	Email: info@supremecourt.gov.np
फ्याक्स: ४२००७४९ | पो.व.नं.: २०४३८	Web: www.supremecourt.gov.np

पत्र संख्या: ०७८/७९
च.नं.: २१६६

मिति: २०७९।०२।२७
ने.सं. ११४६ चौलागा: ८, शुक्रबार

विषय : परिपत्र ।

प्राप्तकर्ता निकायहरू (श्री अदालत तथा इजलासहरू)

• उच्च अदालतहरू सबै
• इजलास सबै
• अस्थायी इजलास सबै
• प्रशसकीय अदालत
• न्यायाधिकरणहरू सबै
• विशेष अदालत
• श्रम अदालत
• फैसला कार्यान्वयन निर्देशनालय
• जिल्ला अदालत सबै
• उपभोक्ता अदालत
• बाल अदालत

उपर्युक्त सम्बन्धमा नेपालको संविधानको धारा २० को उपधारा (३) मा भएको व्यवस्थालाई दृष्टिगत गर्दै यो परिपत्र जारी गरिएको छ:

"पक्राउ गरिएको व्यक्तिलाई पक्राउ भएको समय तथा स्थानबाट बाटोको म्याद बाहेक चौबीस घण्टाभित्र मुद्दा हेर्ने अधिकारी समक्ष उपस्थित गराउनु पर्नेछ र त्यस्तो अधिकारीबाट आदेश भएमा बाहेक पक्राउ भएको व्यक्तिलाई थुनामा राखिने छैन"

भन्ने व्यवस्था रहेको परिप्रेक्ष्यमा कार्यालय समय र विदाका सम्बन्धमा सर्वोच्च अदालतको पूर्ण बैठकको निर्णयानुसार मिति २०७९।०२।२३ को नेपाल राजपत्रमा प्रकाशित सर्वोच्च अदालत नियमावली, २०७४ को नियम ३ मा भएको संशोधन र मिति २०७९।०२।२२ गते नेपाल सरकारले विदाका सम्बन्धमा नेपाल राजपत्रमा प्रकाशित गरेको सूचना बमोजिम हप्तामा शनिबार र आइतबार २ (दुई) दिन सार्वजनिक विदा हुने अवस्था सिर्जना भएको छ।

विशेष निर्देशन: अन्य अवस्थामा पनि २४ घण्टा भन्दा लामो अवधिको विदा परेमा संवैधानिक व्यवस्थाको कार्यान्वयनको लागि तथा पक्राउ पूर्जीको अनुमति, जरुरी पक्राउ पूर्जीको स्वीकृति र हिरासतमा राख्ने अनुमतिको लागि पेश हुने मुद्दामा निकासाको प्रयोजनको लागि विदाको समयमा अदालत व्यवस्थापनसम्बन्धी निर्देशिका, २०७५ ले व्यवस्था गरेबमोजिमको आवश्यक प्रबन्ध गर्नु भनी मातहत अदालतहरूलाई परिपत्र गर्ने भनी यस अदालतको मिति २०७९।०२।२७ गते बसेको पूर्ण बैठकबाट निर्णय भएको हुँदा सोही अनुसार गर्नु गराउनु हुन अनुरोध छ ।

................................

(निराजन पाण्डे)
उपरजिस्ट्रार

सादर अवगतार्थ:

1. सम्माननीय प्रधान न्यायाधीशज्यूको निजी सचिवालय
2. मुख्य रजिस्ट्रारज्यूको सचिवालय
3. रजिस्ट्रारज्यूहरूको सचिवालय

स्रोत: सर्वोच्च अदालत, नेपाल सरकार।