लेटर ग्रेडिङ निर्देशिका, २०८३: विद्यालय शिक्षा मूल्याङ्कनको नयाँ खाका

नेपालको विद्यालय शिक्षा (कक्षा १-१२) को लागि जारी 'लेटर ग्रेडिङ निर्देशिका, २०८३' को पूर्ण विवरण। ग्रेड निर्धारण तालिका, पाठ्यघण्टा, र प्रमाणपत्र सम्बन्धी नयाँ कानुनी व्यवस्थाहरू। शिक्षा, विज्ञान तथा प्रविधि मन्त्रालयद्वारा जारी नयाँ प्रावधान १. पृष्ठभूमि र कानुनी आधार ने पालको विद्यालय शिक्षा प्रणालीमा विद्यार्थीहरूको सिकाइ उपलब्धिलाई वस्तुनिष्ठ र स्तरगत रूपमा प्रस्तुत गर्न 'लेटर ग्रेडिङ निर्देशिका, २०८३' जारी गरिएको छ । शिक्षा ऐन, २०२८ को दफा १९क. ले दिएको अधिकार प्रयोग गरी शिक्षा, विज्ञान तथा प्रविधि मन्त्रालयले यो निर्देशिका कार्यान्वयनमा ल्याएको हो । यस निर्देशिकाले विगतको २०७८ को निर्देशिकालाई खारेज गर्दै नयाँ व्यवस्था कायम गरेको छ । २. परिभाषा र प्राविधिक शब्दावली लेटर ग्रेडिङ: तोकिएको सक्षमताको मूल्याङ्कनपश्चात् विद्यार्थीले हासिल गर्ने सिकाइ स्तरलाई अक्षरमा गरिने प्रस्तुति। स्तरीकृत अङ्क (Grade Point): अक्षरमा गरिएको मूल्याङ्कनलाई अङ्कमा प्रस्तुत गरिएको मान। पाठ्यघण्टा (Credit Hour): पठनपाठनका लागि खर्च भएको ३२ घण्टाको समयावधिलाई एक पाठ्यघण्टा मानिन्छ। मन्त्रालय र केन्…